ពុទ្ធិកមហាវិទ្យាល័យបាលី-សំស្ក្រឹតនិងភាសាបរទេស

សេចក្តីផ្តើម   

• អនុលោមតាមកម្មវិធីនយោបាយរបស់រាជរដ្ឋាភិបាល នីតិកាលទី៧ នៃរដ្ឋសភាសម្រាប់ការកសាង និងការពារមាតុភូមិឆ្នាំ២០២៣ ឆ្នាំ២០២៤ និង យុទ្ធសាស្ដ្របញ្ចកោណដំណាក់កាលទី១ដើម្បីកំណើនការងារ សមធម៌ ប្រសិទ្ធភាព និងចីរភាពក្នុងការកសាងមូលដ្ឋានគ្រឹះឆ្ពោះទៅសម្រេចចក្ខុវិស័យកម្ពុជានាឆ្នំា២០៥០ រាជរដ្ឋាភិបាលនីតិកាលទី៧។ក្នុងនោះពុទ្ធិកសាកលវិទ្យាល័យព្រះសីហនុរាជក៏មានតួនាទីដ៏សំខាន់ក្នុងការបណ្ដុះបណ្ដាលធនធានមនុស្សស្របតាមគោលនយោបាយរបស់រាជរដ្ឋាភិបាលផងដែរ។ដោយឡែកផ្នែកពុទ្ធិកមហាវិទ្យាល័យបាលី-សំស្ក្រឹត និងភាសាបរទេស គឺជាកោសិកាមួយជួយជម្រុញឲ្យពុទ្ធិកសាកលវិទ្យាល័យព្រះសីហនុរាជមានដំណើរការទៅដោយរលូន។ ម្យ៉ាងទៀតពុទ្ធិកមហាវិទ្យាល័យបាលី-សំស្ក្រឹត និង ភាសាបរទេស ផ្ដោតសំខាន់លើភាសាបាលី និង ភាសាសំស្ក្រឹត ដែលជាអត្ដសញ្ញាណរបស់ពុទ្ធិកមហាវិទ្យាល័យ យើង និងជាមូលដ្ឋានគ្រឹះរបស់ពុទ្ធសាសនាព្រមទាំងផ្ដោតលើភាសាអង់គ្លេសផងដែរ។

បេសកកម្ម    

• គ្រប់គ្រងបណ្ដុះបណ្ដាលសមណនិស្សិត-និស្សិត លើឯកទេសភាសាបាលី
• គ្រប់គ្រងបណ្ដុះបណ្ដាលសមណនិស្សិត-និស្សិត លើឯកទេសអក្សសាស្ដ្រអង់គ្លេស
• ចូលរួមធ្វើផែនការ និងរៀបចំកម្មវិធីសិក្សាទាំងពីរឯកទេស ដើម្បីឲ្យឆ្លើយតបទៅនឹងតម្រូវការ និងការវិវត្ដរបស់សង្គម
• សម្របសម្រួលដើម្បីលើកកម្ពស់ការស្រាវជ្រាវ ទំនួលខុសត្រូវដល់សាស្ដ្រាចារ្យ ដើម្បីគុណវុឌ្ឍិ និង គុណផលនៃការបង្រៀន។
• ទទួលបំពេញការងារដែលសម្ដេចព្រះសាកលវិទ្យាធិកា រប្រគល់ជូនជាយថាហេតុ។

គោលបំណង   

ការសិក្សាលើឯកទេសភាសាបាលីនេះ មានគោលបំណងឲ្យសមណនិស្សិត-និស្សិតទទួលបាននូវ ចំណេះដឹង និងបទពិសោធន៍ផ្សេងៗដែលទាក់ទងទៅនឹង៖

• មូលដ្ឋាននៃភាសាសាស្ដ្រា

• មូលដ្ឋាននៃទ្រឹស្ដីពុទ្ធសាសនា

• អក្សរសិល្ប៍បាលី-សំស្ក្រឹត

• សមត្ថភាពក្នុងការសិក្សាស្រាវជ្រាវ និងតែងនិពន្ធនានា។

ក្រោយពីបញ្ចប់ការសិក្សាដោយជោគជ័យ សមណនិស្សិត-និស្សិតអាចក្លាយជា៖

• បញ្ញវន្ដ(បព្វជិត, គ្រហស្ថ)

• អាចក្លាយជាវាគ្មិនដ៏មានវោហារ

• សាស្ដ្រាចារ្យភាសាបាលី-សំស្ក្រឹត ឬអក្សរសាស្ដ្រខ្មែរ នៅតាមគ្រឹះស្ថាននានា

• ជាអ្នកអប់រំដ៏ប៉ិនប្រសប់

• ជាអ្នកស្រាវជ្រាវដ៏ជំនាញ

• ជាអ្នកដឹកនាំពោរពេញដោយចំណេះដឹង។